“Më kërkoi divorcin sapo mësoi sëmundjen e djalit”, rrëfimi tronditës i 35 vjeçares

Emisioni “Historia ime”, solli ditën e sotme historinë e një gruaje 35-vjeçare nga Tepelena. Ajo ka treguar në studio vështirësitë për rritjen e djalit të saj të sëmurë si një nënë e vetme. Bashkëshorti i kërkoi divorcin pasi mësoi sëmundjen e djalit dhe që prej asaj dite nuk është interesuar më për të.

Prej 11 vitesh, Suzana po përballet e vetme me sëmundjen e djalit të saj dhe i duhet të punoj shumë, madje dhe me orë shtesë për të mbajtur familjen.

Rrëfimi i saj mes lotësh ka emocionuar edhe drejtuesen e emisionit, Mirela Milori.

Si është dita jote?

Suzana: E lodhshme punoj në rrobaqepsi, 8 orë janë oraret bazë, punoj dhe me orë shtesë.

Që të paguhesh më shumë?

Suzana: Po, që të arrij të marr diçka më shumë. Shkoj në shtëpi merrem me çunin. Më pret duke qeshur sa më dëgjon zërin. Se kur i flet arrin të kuptojë, kur je e mërzitur, ai i mërzitur, kur i qesh fillon qesh dhe ai. Natën pastaj prapë rri me të, sidomos fillimet kanë qenë dhe natë dhe ditë i rrija pranë, se nuk e zinte gjumi nga krizat. Tani kanë rënë, por prapë ka ato shqetësimet e veta.

Ti je shumë e re, ke menduar të kesh një martesë tjetër si e sheh?

Suzana: Kam patur shumë frikë për një lidhje tjetër.

Po pse?

Suzana: Jam lidhur shumë pas djalit.

Ndoshta një lidhje që të ndihmojë dhe ty dhe djalin?

Suzana: Se kam menduar, kam patur kërkesa, por s’kam pranuar!

Mirela Milori: Do ta vazhdoj rrëfimin natyrisht me Suzanën, por të marrim pak veten se na emocionove!/tvklan.al