Lulzim Basha tha i sigurt se nesër ai do të jetë Kryeministër i Shqipërisë.
Basha optimizmin e tij të sigurt e shprehu gjatë vizitës dy-ditore në Kosovë, teksa vizitoi kullën e Isa Boletinit, dhe ku u përul para varrit të tij.
“Pasardhësit e Isa Boletinit më bënë një nder të veçantë, duke më dhuruar flamurin 108 vjeçar të Isa Boletinit,”, u shpreh Basha.
Me flamurin që Basha mori dhuratë, “Isa Boletini isi kryengritjen para Shpalljes së Pavarësisë”, ndërsa këtë flamur ai premtoi se do ta vërë “në zyrën time nesër, si Kryeministër i Shqipërisë”.
Kryetari i Partisë Demokratike ka disa javë që ka nisur me ekipin e tij përgatitjet për fitoren, apo rikthimin e PD-së në pushtet pas tetë vitesh, teksa tha me siguri se do ta bëjë Kryeministër të Shqipërisë.
Janë propozuar emrat që do të kandidojnë për deputetë si dhe ata që do të udhëheqin fushatën. Janë me qindra emra që po shqyrtohen, ndërsa janë të sigurt për kandiddim disa prej tyre.
Shumica e ish-deputetëve që dorëzuan mandatet në shkurt 2019 janë emra që janë propozuar nga disa grupseksione degësh, dhe janë më të sigurt, ka rikthime, por ka edhe supriza. Ja disa nga emrat më të propozuar nga degët e PD-së deri tani në të gjitha qarqet e vendit:
Në Korçë PD ka propozuar Ervin Salianji dhe Ledina Aliolli, dhe ish-kreun e PD-së, Andrea Mano, kandidatë të sigurtë.
Në Elbasan do të jenë Luciano Boci, Aurel Bylykbashi dhe Endri Hasa, si dhe krerët e partive të rretheve të këtij qarku.
Në Lezhë ka pasur në fakt surpriza, sepse qarku do të drejtohet nga dy analistë të njohur, Agron Gjekmarkaj dhe Mark Marku. Në listë mësohet se figuron emri i Fran Gjonit, i vëllai i ish-kryebashkiakut demokrat, ndërsa është përfolur sot edhe emri i Gjin Gjonit, ish-gjyqtar që ishte propozuar nga dega lokale.
Në Tiranë nuk ka sesi të mungojë emri i ish-kryeministrit, Sali Berisha. Fushatën do ta udhëheqin Jorida Tabaku, Grida Duma, Aldo Bumçi, por në listë veç rikthimit të disa emrave si Besnik Mustafaj do të ketë edhe surpriza. Genc Ruli dhe Arben Imami, të rikthyer pritet të jenë në lista. Si risi e madhe është kapiteni i ekipit të futbollit Tirana, Gent Muça. Tiranës i janë propozuar edhe emra si Aleksandër Biberaj, ish-deputet, por i shkëputur prej saj prej disa vitesh dhe të rikthyer më pas në struktura. Gjithashtu është propozuar edhe Belind Këlliçi, kreu i FRPD, ndërsa ftesë kanë marrë edhe emra artistësh si dy vëllezërit Budina. Kavaja, pjesë e qarkut të Tiranës, ka propozuar veç ish-krybashkiakut Isa Sakja, apo edhe emra më të sigurt si Përparim Çaça dhe Dorian Teliti.
Në Durrës do të jenë Oerd Bylykbashi dhe Albana Vokshi, si dhe besohet se do të kandiddojnë krerët e degëve në qytetet e këtij qarku, apo ish-emra deputetësh si për shembull në Krujë: Ndriçim Babasi, Aulon Kalaja, Vullnet Topalli, Agron Loka.
Shkodra mësohet se mes emrave të njohur të degës së saj, ka propozuar edhe Jozefina Topallin, ish-nënkryetaren e PD-së dhe ish-Kryeparlamentaren, por nuk dihet nëse ajo do ta pranojë ftesën. Ky qark përveç Bardh Spahisë, pret përgjigje edhe të kryetares aktuale të bashkisë, Voltana Ademi, që mësohet se nuk ka vendosur. Por listat pritet të përfshijnë edhe aktorin Julian Deda.
Në qarkun e Gjirokastrës është propozuar Arben Ristani, ish-Sekretari i Përgjithshëm i kësaj partie, i cili rikthehet, si dhe do të mbetet aty Tritan Shehu. Por është propozuar nga dega lokale e kësaj partie edhe Dashamir Aliko.
Vlora ka propozuar mes të tjerash edhe ish-deputetin dhe ish-ministrin Bujar Leskaj, i cili deri pak ditë më parë drejtoi KLSH. Tjetër emër i njohur i këtij qarku është biznesmeni Agron Shehaj, si dhe figurat lokale të Partisë Demokratike. Emra të rinj të propozuar të këtij qarku janë: Nada Meçorapaj, Lorenc Danaj.
Në Kukës fushatën do ta udhëheqë Flamur Noka, ndërsa janë propozuar emra të rinj që janë aktivizuar në strukturat e PD-së së të këtij qarku, si Urim Rexhepi.
Në Dibër do të jenë Dhurata Çupi, Ilir Krosi, Luan Haka, emra të sigurt.
Në Fier të konfirmuar janë Enkelejd Alibeaj dhe kryetari i degës së PD-së, Luan Baçi.
Në Berat rikthehet ish-deputeti dhe ish-ministri Eduart Halimi, ndërsa emra të rinj të propozuar nga ky qark janë Juvina Qejvani dhe Namir Lapardhaja.
