KORONAVIRUSI/ Kujdes tek furrat e bukës: Ky veprim po ju rrezikon edhe në izolim!

Pavarësisht se qeveria shqiptare ka marrë masa të rrepta për të ndaluar qarkullimet dhe grumbillimet e njerëzve për të parandaluar përhapjen e koronavirusit, frika ekziston sërish.

Kjo pasi qytetarët prap janë të detyruar të dalin dhe të marrin gjërat bazike për t’u ushqyer.

Një problem që është diskutuar shpesh është edhe prerja e bukës në furrat e vendit.

Kështu, Shoqata e Bukes, Pastiçerise dhe Brumrave sygjeron që për arsye sigurie, buka nuk duhet të pritet më.

Kjo pasi sipas tyre, prerja rrezikon në maksimum shëndetin e klientëve.

Si duket, prerja e bukës me makineri, mund “të prishë guackën mbrojtëse të bukës që është pjekur me temperaturë 230-240 °,dhe prishja e kësaj guacke krijon pasoja shumë të mëdha për intoksikimin.

Njoftimi i plotë:

Të nderuar kolegë nisur nga shqetësimet e vazhdueshme është e nevojshme të ritrajtojmë edhe njëherë problemin e prerjes bukës. Është tepër e nevojshme ndalimi në mënyrë absolute i prerjes bukës, pasi rrezikon në maksimum shëndetin e klientëve .

Një buke e prerë do të thotë prishja e guackës mbrojtëse të bukës që është pjekur me temperaturë 230-240 °,dhe prishja e kësaj guacke krijon pasoja shumë të mëdha për intoksikimin.

Në kushtet e tanishme të Covid-19 është tepër e nevojshme të ndalohet prerja e bukës në mënyrë absolute , kjo tju bëhet e qartë të gjithë klientëve dhe makina prerëse të largohet nga pjesa e prerjes që kemi zakonisht. Në të njëjtën kohë është e nevojshme për furrat e bukës që kanë shërbimin e kafesë të ndalohet kafeja ambulatore sepse kjo krijon premisa për grumbillimin e njerëzve dhe për daljen e tyre nga shpia si një shërbim ekstra që e kemi vetëm ne.

Për të dyja këto kemi vërejtje edhe nga institucionet dhe kërkesa nga klientët , prandaj është e nevojshme që ti zbatojmë për të qënë regull me respektimin e ligjeve te shtetit për këtë periudhë.