Ditën e sotme Policia ka vënë në pranga të kërkuarin prej kohësh, 27-vjecarin Anxhelino Çervanaku.
Ai është dënuar me 5 vjet burg, për veprat penale “Vrasja e kryer në gjendje të tronditjes së fortë psikike në tentativë” dhe “Armëmbajtje pa leje”.
Por i riu nuk është një fytyrë e panjohur, përkundrazi.
Fillimisht ai u bë një figurë e njohur për policinë pasi në bashkëpunim me një tjetër të ri kërcënuan me armë zjarri në vitin 2015 djalin e një biznesmeni të njohur karburantesh në Tiranë për shkak të një borxhi.
Gjithashtu në 2014 në fshatin Frakull e Madhe Cervanaku ka tentuar të vrasë shtetasin B. M., pas një grindje për motive të dobëta që ka pasur me të.
