Policia ka pezulluar 103 patenta mbrëmjen e djeshme për shkak të shpejtësisë dhe konsumimit të alkoolit.
Patrullat e policisë, po aplikojnë forma të ndryshme kontrolli duke përdorur të gjitha mjetet teknike për matjen e shpejtësisë dhe nivelin e alkoolit tek drejtuesit e mjeteve.
Dje, në aksin Tiranë-Durrës-Tiranë dhe Sauk-Teg-Kashar, gjatë kontrolleve me Radar janë konstatuar raste të drejtimit të makinave me shpejtësi tej normave të lejuara.
“Nga 137 deri ne 152 km/h në rrugë në orët kur fluksi i mjeteve vijon të jetë ende i lartë.
Për 4 orë kontroll me radar u pezulluan 12 Leje Drejtimi për shpejtësi nga 137 km/h deri ne 152 km/h. ✈🙏.”
“Ndërsa gjatë 24 orëve të fundit në të gjithë vendin gjatë monitorimit me radar 📸 të rrugëve urbane dhe interurbane, nga ana e Policisë Rrugore janë pezulluar 103 Leje Drejtimi për shpejtësi që varionte deri në 170 km/h.
Ndërkohë deri tani gjatë kontrolleve duke përdorur alkooltestin, në të gjithë vendin janë arrestuar 7 drejtues mjetesh që drejtonin mjetin në gjendje të dehur.
Një kombinim sa i frikshëm aq dhe i rrezikshëm për sigurinë rrugore dhe atë publike, një automjet qe drejtohet nga drejtues nën efektin e alkoolit dhe më keq akoma në gjendje të dehur apo me shpejtësi mbi normat e lejuara deri në dyfishin e limit që lejon tabela është një rrezik potencial për jetën e drejtuesit të mjetit dhe këdo që përdor rrugën”, shkruan zëdhënësi i Policisë teksa ka publikuar edhe pamjet.
