Një trup i pajetë është gjetur në katin e 6 të një pallati në Kavajë.
Mësohet se viktima është shtetas italian i identifikuar si Xhuzepe Klemente, rreth 70 vjec, i cili ka pasur probleme shëndetësore në të kaluarën.
Në trupin e viktimës nuk janë konstatuar shenja dhune dhe dyshimet e para janë se mund të ketë ndërruar jetë për shkak të ndonjë sulmi në zemër.
Të afërmit e tij në Itali nuk arrinin të kontaktonin me të moshuarin që prej orës 08:15 të mëngjesit të sotëm.
Trupi i pajetë do të dërgohet te morgu i Tiranës për të bërë autopsinë që zbulon shkakun e ndarjes nga jeta.