Një rrjet shqiptar i drogës që operonte në Geleen të Holandës dhe rrethina për vite me radhë, duket se mund të pastrojë relativisht lehtë në vendin e tyre milionat e fituara.
Investimet bëhen në makina dhe pasuri të paluajtshme.
Hetuesit kanë përllogaritur se grupi fitonte rreth 1.8 milion euro në vit nga tre plantacione të mëdha të kanabisit në Limburg. Sidoqoftë, numri i plantacioneve, dhe bashkë me të edhe fitimi i rrjetit të drogës, ishte shumë herë më i madh. Protagonistët nuk u tunduan të hedhin në shitje pasuritë e tyre të paktën jo në Holandë.
Makina të shtrenjta
Për shembull, i dyshuari kryesor Haxhi P. dihet se pëlqente drejtimin e Mercedesit të tij kur ishte në Shqipëri. Dhe ai nuk është vetëm. Për një vend me të ardhura mesatare prej 300 euro, një numër i madh i makinave të shtrenjta qarkullojnë lehtësisht. Për më tepër, Shqipëria sheh se numri i banorëve në vend po zvogëlohet gjithnjë e më shumë, por shumë projekte të reja dhe të shtrenjta të pasurive të patundshme kanë filluar.
Receta standarde është një veprim jashtë vendit, zakonisht Italia, Anglia apo Holanda, dhe të fitosh para atje me trafik droge. Fitimi investohet në Shqipëri.
Për shembull, Haxhi P, udhëtoi gjashtë herë në vendin e tij të lindjes midis vitit 2018 dhe arrestimin e tij në maj 2019. Kjo është e qartë nga të dhënat e udhëtimit. Ai përdori rrugë të ndryshme, shkruan panorama.
Mediat holandeze nga e cila u bazua ky tekst, ka kryer një reportazh në Shqipëri ku ka intervistuar edhe kreun e KLP-së, Gent Ibrahimi.
