Kryeministri britanik Boris Johnson ka paralajmëruar se nuk mund të ketë kurrë një vaksinë për koronavirusin. Një parashikim aspak optimist.
Siç shkruan The Sun, deklarata e Johnson erdhi teksa bëri prezantimin e planit të heqjes së masave izoluese në vend, quajtur “Për një jetë me Covid”.
Ai tha se e vetmja zgjidhje afatgjatë për t’i dhënë fund pandemisë është një vaksinë, por theksoi se kjo nuk mund të ndodhë kurrë.
“Të gjithë shpresojmë për një përparim, por shpresa nuk na jep një plan konkret. Një vaksinë apo një trajtim specifik për Covid-19 mund të zhvillohet pas një viti, por në një rast të skenarit më të keq, mund edhe të mos zhvillohet kurrë.
Duhet të mësohemi të “bashkëjetojmë” me valët e pandemisë.
Koronavirus mund të qarkullojë për një kohë të gjatë, ndoshta mund të kthehet edhe periodik. Sigurisht që qeveria do të mbështesë çdo iniciativë për krijimin e vaksinës”, u shpreh ai.
