Gjykata e Tiranës ka vendosur anulimin e vendimit të drejtorit të Përgjithshëm të Burgjeve, Agim Ismaili, i cili vendosi në regjimin “41- Bis” 5 të paraburgosur mes të cilëve edhe të pandehur të dosjes “339” .
Vendimi është marrë ne 23 maj pas një përplasje që të arrestuarit patën me policët gjatë një kontrolli ne qelitë e tyre ku janë gjetur celularë të futur ilegalisht brenda burgut 313.
Kanë qënë të paraburgosurit, kryesisht të pandehurit e dosjes “339”, ata që kanë goditur dhe kërcënuar gardianët pas kontrolleve të kryera nga punonjësit e policisë.
Drejtoria e Përgjithshme e Burgjeve pasi ka analizuar ngjarjen, ka kërkuar në gjykatë izolim për thyerje të rregullave në qeli kërkohet edhe për Hajri Seferin, Astrit Avdylin, Altin Avdylin, Saimir Gjepalin.
Kërkesa e kreut të burgjeve u shqyrtua në dhomën penale Tiranë nga gjyqtarja Migena Laska.
Kjo është hera e parë në paraburgimet e Tiranës që Drejtori i Përgjithshëm i Burgjeve kërkon izolimin e të paraburgosurve ose të burgosurve në regjim të veçantë sigure, ndërsa më herët një vendim i tillë është kerkuar për një të burgosur në burgun e Korçës.
Të burgosurit me regjim të veçantë sigurie nuk u lejohen takim me familjarët dhe komunikimet me ta, si dhe kanë masa më të forta sigurie.
