Një aksident rrugor mes një furgoni dhe një automjeti tip Hondai është shënuar në aksin nacional Korçë-Kapshticë.
Dy automjete janë përplasur me njëra tjetrën në afërsi të fshatit Dishnicë.
Si pasojë e këtij aksidenti është bllokuar aksi rrugor Korçë-Kapshticë. Policia ndodhet në vendngjarje për të orientuar automjetet e tjera në një rrugë dytësore, si dhe për të zbuluar më tepër rreth shkaqeve të këtij aksidenti.
Deri më tani nuk raportohet për të lënduar.