Aksident i rëndë në Berat, 3 persona të lënduar

Një aksident i rëndë ka ndodhur pasditen e sotme në Berat ku kanë mbetur të lënduar 3 persona.

Ngjarja ndodhi pasditen e sotme, në aksin kombëtar Berat-Urë Vajgurore, ku dy makina janë përplasur kokë më kokë.

Për pasojë tre persona kanë mbetur të lënduar, teksa automjetet kanë pësuar dëme të konsiderueshme.

Në aksident janë përfshirë mjeti tip “Benz 250” me mjetin e OSHEE-së.

Në vendngjarje kanë mbërritur forca të shumta policie dhe reparti zjarrfikës.