Këngëtari Muhamet Sejdiu u infektua nga koronavirusi pas kthimit nga Gjermania. Ai dhe bashkëshortja e tij u futën menjëherë në terapi dhe u ndanë në dhoma të ndryshme.
“Dy tri ditë e para kanë qenë shumë të vështira. Lajmin e kemi marrë vesh në media, para se me ardh drejtoresha që të na njoftonte. Menjëherë na kanë ndarë në një dhomë tjetër dhe kanë filluar me terapi”, tha Sejdiu për emisionin “1 kafe me Labin”.
Së fundmi Sejdiu bëri të ditur se në testin e dytë ai dhe bashkëshortja rezultuan negativ.
“Kanë qenë javë të vështira. Këta po ankohen për izolim nëpër shtëpia, por izolimi jonë ka qenë pak ma ndryshe. Shyqyr prej Zotit e prej mjekëve e kaluam mirë. Kenaqësia më e madhe ka qenë kur kam ardhur në shtëpi edhe i kam pa djemtë. Edhe ata kanë qenë të mbyllur për 16 ditë pa dal kërkund. Më shumë e kam pas hallin e fëmijëve sesa vetë që kam qenë izoluar”.
