Virusi vdekjeprurës ka sjellë panik në të gjithë botën. Edhe bota e modës tashmë është e frikësuar. Stilisti i njohur italian Giorgio Armani vendosi të anulojë sfilatën e Milanos për shkak të situatës emergjente.
Armani argumentoi se sfilata do të bëhet me dyer të mbyllura për shkak të gjendjes kritike nga sëmundja e koronavirusit, e do të shfaqet online pa pranin e njerëzve në faqen zyrtare të markës “Armani”
Deri më tani të infektuarit që po mbahen nën kujdes të rreptë mjekësor kanë shkuar në 155, ndërsa numri i të vdekurve shkoi në 3.
Tri ndeshje futbolli janë anuluar në veri, ndërkohë që në Venecia, autoritetet lokale vendosën që të anulonin mbajtjen e karnavaleve, në të cilat marrin pjesë me mijëra persona, për shkak të frikës së infektimit të një numri edhe më të madh të personave me koronavirus.
