Kryeministri i Maqedonisë së Veriut Zoran Zaev më 8 tetor do të takohet me sekretarin e Përgjithshëm të NATO-s, Jens Stoltenberg në selinë e NATO-s në Bruksel .
Siç njofton shërbimi i NATO-s për shtyp, Zaev do të udhëtojë së bashku me ministren e Mbrojtjes, Radmilla Sheqerinska dhe ministrin e MPJ-së, Bujar Osmani.
Pritet që Stoltenberg dhe Zaev të mbajnë edhe konferencë të përbashkët pas takimit.
Maqedonia e Veriut në mars të këtij viti zyrtarisht u anëtarësua në NATO dhe u bë anëtarja e 30-të e Aleancës.