Ministria e Shëndetësisë në Maqedoninë e Vveriut bëri të ditur se sipas Institutit për Shëndet Publik nga 14 deri 20 shtator janë testuar 9.661 raste me koronavirus dhe kjo është një rritje prej 15.7 për qind në krahasim me javën e kaluar.
Janë regjistruar gjithsej 951 raste në 29 qytete, që është për 34.9 për qind në krahasim me javën e kaluar. Pjesa më e madhe e rasteve janë në Shkup me 27.4 për qind.
Përqindja e rasteve pozitive nga testimet është 9.8% apo 1.4% më shumë në krahasim me javën e kaluar. Mosha më e prekur është mosha mbi 60 vjet, ndërsa më pas vjen mosha 50-59 me 18.5%, 30-39 me 18.2%, 40-49 me 15.7% dhe 20-29 me 15.5. Përqindja më e vogël është regjistruar te fëmijët prej 0-9 me 3.9% dhe 10-19 me 59%.
Prej rasteve të reja për këtë javë, 313 pacientë apo 32.9% kanë pasur kontakt me rast të infektuar më herët.
Po ashtu gjatë kësaj periudhe ka 48 raste të vdekjes, 21 më shumë se javën e kaluar. Sa i përket moshës, 32 janë mbi 60 vjet, 8 janë të moshës 50-59, 4 të moshës 40-49, 3 të moshës 20-29 vjet dhe një rast 30-39.
