Juventusi mposhti me rezultatin 2-1 Parmën ditën e djeshme, në një ndeshje që ishte më e vështirë nga sa mendohej për bardhezinjtë.
Protagonisti kryesor në këtë ndeshje, ishte padyshim, Cristiano Ronaldo, i cili realizoi dy herë për ekipin e tij, duke i dhënë një fitore të rëndësishme, që e çon +4 nga Interi i vendit të dytë.
Megjithatë, një episod i ndodhur pas golit të dytë nga portugezi, ka tërhequr vëmendjen e të gjithëve.
Asistin për këtë gol, Ronaldo e mori nga Dybala, me të cilin edhe e festoi golin e shënuar në minutën e 58-të.
Gjatë festimit, kamerat kanë kapur një moment kur portugezi duket sikur e puth në buzë Dybalën.
Menjëherë kjo ka filluar të bëhet virale në rrjetet sociale, ku të shumtë janë edhe ata që tallen.
