Prej dy ditësh, vatra e koronavirusit në vend po zgjerohej vetëm në Tiranë, për tu rikthyer sot në Lushnje. Rastet e reja janë në dy familje dhe dyshohet se familjarët e tyre kanë patur kontakte me persona të tjerë në Tiranë.
Mësohet se janë bërë 9 tamponë ku vetëm 4 rezultuan pozitivë, ndërsa gjatë ditës së sotme pritet që të zgjerohet rrethi i testimeve.
Megjithatë, pritet konfirmimi i autoriteteve.
Tashmë numri i rasteve me Covid-19 ka shkuar në 1080, ndërsa numri i viktimave vazhdon të mbetet 33. Numri i të shëruarve është 823, ndërkohë që gjatë ditës së djeshme të shtruar në Infektiv raportoheshin 24 pacientë.
