Provat filmike dhe kërkesa e Barcelonës nuk kanë mjaftuar për të shpëtuar Rey Manajn nga pezullimi me një ndeshje si pasojë e kartonit të kuq që mori këtë fundjave me ekipin B.
Pavarësisht insistimit të katalanasve, të cilët dëshironin ta kishin në gatishmëri sulmuesin shqiptar, situata e tij nuk ka ndryshuar dhe këtë javë është i destinuar që të qëndrojë si spektator në tribunë.
Manaj u ndëshkua në ndeshjen e fundjavës së kaluar pasi mori dy të verdhë në pjesën e parë, në të dy rastet pasi kishte goditur me dorë në fytyrë një futbollist kundërshtar.
Lojtari la ekipin e tij me 10 futbollistë, por te Barcelona mendonin se gjyqtari e kishte tepruar dhe dorëzoi menjëherë në Federatën Spanjolle prova filmike që tregonin se sidomos kartoni i dytë nuk ishte, pasi Manaj e qëllonte pa dashje mbrojtësin në atë dyluftim.
Por kjo nuk ka mjaftuar. Sipas mediave spanjolle, Komisioni i Apelimit është mbledhur dhe ka shqyrtuar çështjen, duke konfirmuar pezullimin me një javë të Manajt.
Ky është telash i dyfishtë për Barcelonën, pasi përtej ekipit të parë, mbetet pa sulmues edhe tek ekipi B, pasi edhe atje po vuan një krizë dëmtimesh.
