Janë zbardhur detaje të reja nga hetimet që po bëhen për ngjarjen e rëndë që ka ndodhur dy ditë më parë në Velipojë, teksa një shëtitje me motor uji u kthye në tragjedi për Enisa Dodën, 17-vjeçaren nga Mati me banim në Bathore.
Pronari i motorskafit që kanë marrë të rinjtë, Enisa doda dhe Indrit Bajraktari, kanë pohuar se ishte porositur vetëm për 30 minuta, ndërsa kur kanë pyetur të riun se ku është vajza që e shoqëronte, i ka pohuar se e kishte marrë xhaxhai.
Pronari ka rrëfyer para hetuesve se i riu ka tentuar të largohej me motorin e tij, por që ai nuk e ka lejuar. Ai ka treguar se ishte një pushues që e ka vënë në dijeni se një person po mbytej në det. Pronari hyri në det dhe ka vënë re Indritin teksa po dilte me not i vetëm. Së bashku, kanë ecur për 20 minuta ndërsa pas kësaj, pronari ka telefonuar menjëherë policinë e cila ka ndaluar Bajraktarin.
Ndërkohë, ekspertiza mjeko ligjore ka treguar se shenjat e dhunës në trupin e të ndjerës nuk janë shkaktuar nga Bajraktari, por që mund të jenë bërë gjatë mbytjes, pasi ajo mësohet se nuk ka ditur as të notojë.
I riu dyshohet se u largua drejt bregut pa e ndihmuar vajzën, teksa para hetuesve nuk ka pranuar të flasë më tepër, veçse të deklarojë se gjithçka do ta tregojë në sallën e gjyqit.
