Që prej momentit kur Meghan Markle dhe Princ Harry u bënë prindër për herë të parë ishin në dijeni se i vogli i tyre nuk do të gëzonte asnjë titull mbretëror, për shkak të protokollit mbretëror, i cili e përjashtonte menjëherë të voglin nga titulli ‘Princ’.
Megjithatë burime pranë familjes mbretërore kanë treguar së fundmi për ‘Cosmopolitan’ se Archie do të mund të titullohet princ në momentin kur gjyshi i tij, Princ Charles të jetë mbreti i Anglisë.
Prej atij momenti dhe deri në moshën 18-vjeçare Archie do të quhet Princ i Sussex. Pas moshës mazhorene ai ka të drejtën ta heqë ose jo titullin mbretëror.
Pavarësisht këtij vendimi të largët, kujtojmë se momentalisht Meghan dhe Harry janë tërhequr nga detyrat e pallatit mbretëror.
