Ish-deputeti demokrat Luan Baçi ka njoftuar se një prej protestuesve të Ballshit ka ndërruar jetë.
Bëhet fjalë për punëtorin e rafinerisë së Ballshit, Artan Voshtima banues në Fier. I ndjeri, ka humbur jetën sapo është kthyer nga protesta e sotme.
“Teknolog specialist prej shumë vitesh, në uzinë, i pa paguar dhe i keq trajtuar si shumë kolegë të tij të punës”, shkruan Baçi teksa ngushëllon bashkëshorten dhe dy fëmijët e të ndjerit.
Reagimi i plotë:
Sapo mesova, per nje lajme te trishte.
Ndahet nga jeta, nje nga protestuesit, e rafineris, naftetari
Artan Voshtina, banues ne Fier.
Artani la pas bashkshorten dhe dy femijet e tij i la ne nje kohe, qe ata kane shume nevoj per Artanin
Sot, pasi u kthye nga protesta, i trishtuar, i merzitur i stresuar, zemra e tij nuk duroi me.
Teknolog specialiste prej shume vitesh, ne uzine, i pa paguar dhe i keq trajtuar si shume kolege te tij te punes.
I perkushtuar per punen ,shoqerine dhe familjen e tij.
Ky shtet, kjo qeverri e korruptuar, keta bandite dhe hajdut, kontribuan, shume forte, per fatin e tij te ,trishte.
Ngushullime te sinqerta dhe te ndjera familjes.
Ngushullime , edhe ju kolege, te punes, te Artanit
protestues dhe greviste te urise.
Mos e harroni Artan Voshtinen, protestoni edhe per Artanin, protestoni pa u ndaluar per familjen dhe femijet e tij.
Ata kane shume nevoj sot, per ndihmen e te gjitheve.
Pas grevës së urisë naftëtarët e Ballshit kanë zhvilluar ditën e sotme një marshim-protestë duke kërkuar të drejtat e tyre, të cilët prej kohësh nuk kanë marrë rroga.
Naftëtarët nuk i kanë marrë rrogat prej disa muajsh – rastet më ekstreme shkojnë deri në 27 muaj.
Bëhet me dije se prej grevistëve janë shtruar tashmë në spital për shkak të përkeqësimit të gjendjes shëndetësore.
