Meta rilexon letrën për komisionerin: Njëherë për Tao Taon dhe pastaj për gruan e Bilalit

Presidenti i vendit Ilir Meta në një konferencë për mediat tha sot se letra e tij në drejtim të komisionerit të BE-së nuk ka asnjë lidhje me pengimin e negociatave. Madje sipas Metës që në nisje të saj ai thekson shpresën se negociatat me vendin tonë do të hapen.

“Jo vetëm dje por edhe sot pas rrjedhjes nga qeveria në një TV në vendin tonë ku bëhej publike letra që unë i kisha cuar komisionerit për zgjerimin gjoja se ishte kundër integrimit dhe çeljes së negociatave, që e anoncoi spektakolari tao tao dhe sot iu bë jehonë nga e nderura zonja e Bilalit jam i detyruar në raport me qytetarët për tu bërë të qartë letrën që ua ia kisha dërguar jo për ta bërë të ditur publikut, por për të ndihmuar KE për të qenë më i vëmendshëm me një cështje kaq kritike sic është integriteti i Kushtetueses.

Aq më tepër që në formulimin e bërë të krijohej përshtypja sikur problemi ishte krijuar nga interpretimi i ndryshëm që kishte bërë presidenti. Jam shpresëplotë që vendet anëtare do e mbështesin rekomandimin tuaj për çeljen e negociatave”, tha Meta.

Duke rilexuar disa herë paragrafin ku mbështet çeljen e negociatave, Meta hodhi kunja dhe në drejtim të Taulant Ballës, ose ndryshe Tao Tao, dhe Edi Ramës ose ndryshe gruas së Bilalit.

“Publike ju e dini që doli nga miku i përhershëm Met Veliu, që sot nuk është këtu, dhe do ta rilexojmë edhe njëherë për të letrën”, tha më tej me ironi presidenti.