Koronavirusi i ka marrë jetën mjekes kirurge Zyliha Kraja në moshën 78-vjeçare.
Përpara se të infektohej gjendja e saj shëndetësore ishte e mirë, por ditët e fundit u përkeqësua.
Zyliha Kraja një kirurge e shkollës së vjetër në Shkodër nga duart e së cilës dolën një numër i konsiderueshëm mjekësh e infermierësh të tjerë.
Ajo ka kontribuar për vite me radhë në fushën e mjekësisë në Shkodër. Edhe pse prej vitesh ishte në pension ajo sërish ka vijuar të kontribuojë në spitalin e Shkodrës.
Kujtojmë se Zyliha Kraja është bashkëshortja e dramaturgut të njohur Fadil Kraja.
