Platforma Twitter ka njoftuar se do të heqë postimet që “dëshirojnë vdekje, dëmtime të rënda fizike ose sëmundje fatale për këdo”. Ky vendim vjen pas një sërë reagimesh kundër Presidentit të SHBA Donald Trump, pasi kreu i Shtëpisë së Bardhë është shtruar shtruar në spital për Covid. -19.
Shumë përdorues të këtij rrjeti social kanë postuar mesazhe që urojnë vdekjen e Trump. Sidoqoftë, autorët e postimeve që shkelin politikën e platformës sociale nuk do të pezullohen, njoftoi media sociale.
Presidenti Trump u dërgua në qendrën spitalore e ushtrisë amerikane Walter Reed pranë Uashingtonit për trajtim mjekësor kundër koronavirusit, njoftoi Shtëpia e Bardhë.
“Presidenti është me humor të mirë, ka simptoma të lehta dhe ka vazhduar punën gjatë gjithë ditës”, tha në një deklaratë për shtyp zëdhënësja e Shtëpisë së Bardhë Kayleigh McEnany.
“Nisur nga synimi për të qenë mëse të sigurtë dhe të kujdesshëm dhe bazuar në rekomandimet e mjekut të tij personal dhe të ekspertëve të shëndetit, presidenti do të punojë për disa ditë të ardhshme nga zyrat presidenciale në kompleksin Walter Reed. Presidenti Trump është mirënjohës për dashamirësinë dhe mbështetjen që ka marrë ai dhe Zonja e Parë,” thuhej në deklaratën për shtyp.
