Kanë kaluar disa muaj që nga ekzekutimi mafioz i shqiptarit, Flamur Beqiri në Londër.
Debora Beqiri, bashkëshortja e tij është shfaqur për herë të parë në rrjetet sociale pas ngjarjes tragjike që i mori jetën të shoqit.
Ajo ka hapur një llogari në Instagram pas 5 muajsh nga ngjarja e rëndë dhe në një foto të ndarë në story shfaqet bashkë me një mikeshë duke pirë cigare.
Flamur Beqiri u vra në Londër në vigjiljen e krishtlindjes përpara familjes së tij.
Beqiri i cili njihej si producent muzikor, po ecte me të shoqen dhe djalin e vogël pranë shtëpisë së tij luksoze në njërën prej lagjeve më të lakmuara të Londrës, Battersea.
Në atë moment atentatori i armatosur u shfaq papritur duke qëlluar mbi të pesë herë: një pjesë e plumbave e goditën në kurriz, por agresori nuk u mjaftua me kaq: si për tu siguruar plotësisht, u afrua, dhe e goditi edhe me një plumb në kokë.
