Një punëtor 35-vjeçar ka humbur jetën në një fabrikë prodhimi parafabrikat ne Kamëz. Ngjarja e rëndë ka ndodhur rreth orës 14:50.
Policia bën të ditur se B.M., 35 vjeç, dyshohet se e ka kapur makineria e fabrikës, ku si pasojë e plagëve të marra, ka ndërruar jetë në spital.
Njoftimi i policisë
Tiranë/Informacion paraprak
Më datë 03.09.2020, rreth orës 14:50, në Kamëz, duke punuar në një fabrikë prodhimi parafabrikat, shtetasin B.M., 35 vjeç, dyshohet se e ka kapur makineria e fabrikës, ku si pasojë e plagëve të marra, ka ndërruar jetë në spital.
Grupi hetimor dhe sherbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
