Tre persona kanë rënë në pranga gjatë 24 orëve në qarkun e Lezhës, mes tyre dy gra.
“Shqiponjat” kanë arrestuar personin Gj.B.,25 vjeç, banues në Lezhë, pasi mbante me vete disa doza kanabis, të bëra gati për shitje. Ndërsa gjatë kontrollit të banesës i janë gjetur doza të tjera kanabis, municion luftarak, dorezë metalike dhe një thikë.
Ndërsa në Kurbin është arrestuar një 52-vjeçare e cila kultivonte kanabis. Gruaja me iniciale T.P., banuese në Kurbin ra në prangat e policisë pas raportimit të banorëve.
E arrestuara e tretë është një 40-vjeçare që dhunonte vjehrrin e saj.
Gruaja me iniciale V.P., banuese në fshatin Krajen të Lezhës rrihte vjehrrin e saj 70-vjeçar me iniciale Z.P.,
Sipas policisë, materialet procedurale i kaluan Prokurorisë së Rretheve Gjyqësore Lezhë dhe Kurbin, për veprime të mëtejshme.
