Një ngjarje e rëndë është regjistruar, mbrëmjen e djeshme rreth orës 22:15 në një familje, në lagjen Nr.13, në Durrës.
Një 50 vjeçar me iniciale A.H ka dhunuar bashkëshorten e tij E.H, 42 vjeçe.
Për shkak të dhunës së ushtruar, burime nga policia bëjnë me dije se 42 vjeçarja është shtruar në spital dhe është jashtë rrezikut për jetën.
Informacioni i Policisë
Specialistët për Hetimin e Krimeve në Komisariatin e Policisë Durrës, arrestuan në flagrancë shtetasin:
A.A.,50 vjeç, banues në Durrës.
Ky shtetas ka ushtruar dhunë fizike dhe psikologjike ndaj bashkëshortes së tij shtetases A.H., e cila ndodhet në spital nën kujdesin e mjekëve jashtë rrezikut për jetën.
Materialet i kaluan Prokurorisë së Rrethit Gjyqësor Durrës për veprën penale “Dhuna në familje”.