Arrihet marrëveshja, Rangnik tek Milani

Flitet se marrëveshja mes Ralf Rangnik dhe Milanit është arritur, dhe se gjermani do bëhet trajneri i kuqezinjëve sezonin tjetër.

Roli i Rangnikut ka qenë i vetmi pazëll i pazgjidhur, pasi interesimi i Milanit për të ishte prej kohësh i ditur.

“Sky Sport Italia” “Tuttomercatoweb” dhe “MilanNews.it” janë të gjitha në të njëjtën linjë që Rangnik do ketë pushtet të plotë tek Milani, do jetë trajner, drejtor sportiv dhe madje do jetë edhe tek departamenti i mjekësisë. Ivan Gazidis e ka informuar tashmë drejtorin Paolo Maldinin për ardhjen e Rangnikut.

Me ardhjen e gjermanit nuk do ketë më vend për drejtor tek Milani për Maldinin, ku Gazidis i ka ofruar rolin e ambasadorit të klubit, ku me shumë mundësi Maldini do e refuzojë.


Shtuar 6.07.2020 18:30