Paratë janë prezente në masë në botën e futbollit, por në këtë merkato verore kanë qenë më pak.
Kriza shëndetësore dhe ekonomike i ka rezervuar disi klubet e mëdha.
Është, gjithashtu hera e parë që nga sezoni 2015/2016 që nuk ka pasur transferim mbi 100 milion euro. Për krahasim, atë verë, Kevin De Bruyne u transferua nga Ëolfsburg te Manchetser City për shumën e 76 milionë eurove.
Ndërsa për edicionin 2020/2021, transferimi më i shtrenjtë është ai i Kai Havertz te Chelsea. Mesfushori gjerman u bashkua me “blutë e londrës” për 80 milionë € plusë bonus. Një shumë jo e madhe për Chelsea-n që ka tre lojtarët në listën e 10 blerjeve më të shtrenjta në këtë merkato.
Në vendin e dytë është Arthur Melo, i cili mbërriti te Juventus nga FC Barcelona kundrejt 72 milionë eurove (Melo ishte pjesë e shkëmbimit me Miralem Pjanic që përfundoi te Barça për shumën e 60 milionë eurove).
Podiumin e plotëson një tjetër lojtar i ri në Serie A. I shkëlqyeshëm me Lille sezonin e kaluar, Victor Osimhen bindi Napolin të shpenzonte për të 70 milionë euro. Sulmuesi nigerian është bërë transferimi më i shtrenjtë në historinë e klubit napoletan.
Më poshtë keni listën e 10 blerjeve më të shtrenjta:
1) Kai Havertz – 80 milionë € nga Bayer Leverkusen te Chelsea
2) Arthur Melo – 72 milionë € nga Barcelona te Juventus
3) Victor Osimhen – 70 milionë € nga Lille OSC te Napoli
4) Ruben Dias – 68 milionë € nga Benfica te Manchester City
5) Miralem Pjanic – 60 milionë € nga Juventus te Barcelona
6) Alvaro Morata – 56 milionë € nga Chelsea te Atletico Madrid
7) Timo Werner – 53 milionë € nga Leipzig te Chelsea
8) Ben Chilwell – 50.2 milionë euro nga Leicester në Chelsea
9) Thomas Partey – 50 milionë € nga Atletico Madrid te Arsenal
9) Mauro Icardi – 50 milionë € nga Inter Milan për te Paris Saint-Germain