Pas rrëzimit të Qeverisë së Kosovës me mocion mosbesimi, tashmë duhet të formohet një Qeveri e re, e cila do ta udhëhiqte shtetin e Kosovës deri në zgjedhje të reja.
Familja e veprimtarit të LDK-së, Haki Imerit, thotë se do të ishte një hap i mençur nëse Vjosa Osmani propozohet për kryeministre.
Të lidhura
None found
Përmes një postimi në Facebook, kjo familje thotë se Vjosa Osmani është më e votuara në LDK dhe është faktori më unifikues në këtë situatë të rëndë që p kalon vendi.
Familja Imeri thotë se Osmani i plotëson kushtet më shumë se kushdo tjetër.
Postimi i plotë:
Do të ishte hap i mençur nëse Vjosa Osmani të propozohej për Kryeministre. Është më e votuara në LDK dhe është faktori më unifikues në këtë situatë të rëndë që po kalon vendi.
Gjithashtu i plotëson kushtet më shumë se kush do tjetër nga LDK-ja. Dhe përfundimisht LDK-ja mund të rehabilitohet deri në zgjedhjet e ardhshme.
