Teksa numri i personave të infektuar në Kosovë ka shkuar në 860, fatmirësisht 533 prej tyre janë shëruar. Instituti Kombëtar i Shëndetësisë Publike të Kosovës ka bërë të ditur se 43 persona kanë rezultuar të shëruar gjatë ditës së djeshme në Kosovë, ndërsa vetëm 4 është numri i të infektuarve me COVID-19.
Nga këta 43 të shëruar 11 janë nga Malisheva, 10 nga Shtimja e 9 nga Ferizaji. Katër pacientë rezultojnë të shëruar edhe nga Komuna e Mitrovicës së Veriut.
Po ashtu, edhe dy rastet e fundit me COVID-19 nga Podujeva kanë rezultuar të shëruar duke bërë që kjo komunë të fitojë betejën me COVID-19 duke mos pasur asnjë banorë të prekur nga ky virus.
Nga dy pacientë kanë rezultuar të shëruar edhe nga Gjilani e Suhareka.
Peja dhe Rahoveci dhe Zveçani dje kanë regjistruar nga një pacientë të shëruar plotësisht nga COVID-19. Kujtojmë se 26 persona kanë humbur jetën si pasojë e infeksionit nga COVID-19.
