Pas shtyrjes së deklaratës së Thaçit, shtyhet dhe mbledhja e Kryesisë së Kuvendit

Mbledhja e Kryesisë së Kuvendit të Kosovës, e paralajmëruar për nesër në orën 11:00, është shtyrë për një ditë tjetër.

Lajmi është bërë i ditur nga Zyra e informacionit pranë Kuvendit të Kosovës.

Nuk janë dhënë detaje lidhur me arsyen e shtyrjes së mbledhjes së Kryesisë së Kuvendit, por ajo vjen pas thirrjeve të KMDLNJ-së për anulimin e takimeve, përfshirë edhe ato të komisioneve parlamentare, për shkak të gjendjes së koronavirusit.

Pritet një njoftim i dytë se kur do të mbahet mbledhja.