Deputetja e Lëvizjes Vetëvendosje, Fatmire Mulhaxha Kollçaku ka reaguar përmes një postimi në Facebook, pas letrës që presidenti, Hashim Thaçi i ka dërguar kreut të LVV-së, Albin Kurtit ku i kërkon propozimin e mandatit për kryeministër.
Deputetja shkruan se kjo është një grabitje e pushtetit në kundërshtim me Kushtetutën.
“ Nga PAN- i te PLAN-i. Grabitje e pushtetit në kundërshtim me Kushtetutën, e pastaj legalizim i veprimit antikushtetues përmes ndërrimit të Kushtetutës. #nukkalon”, shkruan Mulhaxha Kollçaku.
Kujtojmë se presidenti Thaçi i është përgjigjur përmes dy letrave kryeministrit në detyrë, Albin Kurtit ku i ka kërkuar një emër të ri për Qeverinë e re.
