Një ngjarje e rëndë ka ndodhur në qytetin e Gjakovës.
Vajza me të meta mentale dyshohet se ka mbytur prindin e saj.
Të lidhura
None found
Këtë lajm e ka konfirmuar për KosovaPress zëdhënësi i Policisë në rajonin e Gjakovës, Nysret Xhurkaj.
Ngjarja e rëndë ka ndodhur sot në mesditë në rrugën “Sabrije Vokshi” në Gjakovë.
Trupi i viktimës është dërguar për obduksion në IML, teksa e dyshuara është dërguar në spitalin “Isa Grezda” në repartin psikiatrik.
Me vendin të prokurorit të dyshuarës i është caktuar masa e ndalimit prej 48 orësh.
Trupi i pajetë është dërguar në IML për obduksion.
“Sot rreth orës 12:00 në rrugën ‘Sabrije Vokshi’ në Gjakovë, brenda në shtëpi, nga kujdestarja familjare është gjetur pa shenja jete personi M.R. lindur në vitin 1933.
Pranë trupit të viktimës ishte e shtrirë vajza e tij, T.R. lindur në vitin 1962 e cila është me të meta mentale. Rastit i janë përgjigjur njësitë policore dhe urgjenca mjekësore dhe mjeku ka konstatuar vdekjen.
Viktima kishte lëndime në kokë dhe dorë, por lëndime kishte dhe vajza dhe për këtë ekziston dyshimi i arsyeshëm se si vrasëse potenciale mund të jetë vajza.
E njëjta është hospitalizuar në spitalin ‘Isa Grezda’ në repartin psikiatrik. Me vendin të prokurorit të dyshuarës i është caktuar masa e ndalimit prej 48 orësh.
Trupi i pajetë është dërguar në IML për obduksion”, thuhet në përgjigjen e zëdhënësit të Policisë së Kosovës për rajonin e Gjakovës, Nysret Xhurkaj.
