Meghan Markle quhej “princeshë” pa qenë e tillë. Kështu ka rrëfyer një fotograf dhe kameraman që ka bashkëpunuar me Meghan, para se ajo të njihej me Princin Harry.
Madje ai ka folur edhe për sjelljen e Markle si një divë e vështirë, me kërkesa të shumta gjatë xhirimeve.
Për “Daily Mail”, kameramani profesionist ka shtuar se 38-vjeçarja vepronte mbi bazën e një sërë rregullave të rrepta – përfshirë edhe atë për të mos fotografuar këmbët e saj.
Madje kujtojmë se këmbët e Meghan u bënë një temë e nxehtë e bisedës pasi ajo hoqi këpucët gjatë një turneu mbretëror në Zelandën e Re në vitin 2018.
Në atë kohë u zbulua një shenjë te këmbët që mund të kishte mbetur nga një ndërhyrje. E që nga ajo kohë u kuptua nga ekipi fotografik se 38-vjeçarja i urrente këmbët e saj.
“Daily Mail” shkruan se aktorja e serialit “Suits” gjithashtu kishte këmbëngulur të kishte shampanjë të shtrenjtë në xhirime. Gjithashtu ajo kishe kërkuar që t’i jepej miratimi i plotë mbi të gjitha pamjet, duke vepruar si një superstar.
“Ajo ishte shumë e mirë dhe e ashpër”, shpjegoi fotografi. “Ajo ishte e vështirë dhe shumë kërkuese”.
Gjithashtu “Daily Mail” ka zbuluar edhe disa foto të rralla të Meghan në Nju Jork, për një faqe interneti që lidhet me modën dhe bukurinë.
