Punonjëset për të rritur të penalizuara nga koronavirusi: Dikur fitonin qindra dollarë në ditë, po sot?

Në këto kohë pandemie, seksi me pagesë nuk është një nga ato shërbimet që duhen me patjetër.

Gazeta njujorkeze “NY Post” në një artikull të saj tregon për vështirësitë që punonjëset e seksit po kalojnë, ndërsa në metropolin amerikan njerëzit janë detyruar të vetëziolohen.

Tani “biznesi” ka rënë me 80%, ndërkohë që numri i të infektuarve në të gjithë botën ka shkuar në 857 mijë raste.

“Përpara se virusi të vinte, kisha një ose dy klientë në ditë dhe bëja nga 200$ deri në 300$ në një ditë. Kurse tani jetoj me 300$ në javë e ka ditë që mendoj se nuk di ca të bëj me veten time”, thotë një nga vajzat e intervistuara.

Emigrantja ruse tregon se ajo ka edhe një vajzë 17 vjeçare për të mbajtur dhe se nuk ka të drejtë që të përfitojë ndihma nga shteti, nisur nga fakti që aktiviteti i saj është ilegal.

Por jo vetëm punonjëset e seksit kanë ankesa. Edhe vajzat që punojnë si “camgirls” (vajza që pozojnë në ueb) janë të pakënaqura, nisur nga pandemia e cila ka ndikuar së tepërmi në ekonominë e Nju Jorkut dhe të SHBA-së.