Gjërat po rregullohen? Çfarë i tha Mbretëresha Harryt në takimin e fundit

Pasi Harry dhe Meghan hoqën dorë nga detyrat mbretërore dhe u larguan për në Amerikën e Veriut, jeta e tyre mori një rrjedhë tjetër. Edhe ka kaluar kohë nga ky vendim, Harry nuk kishte pasur mundësi të bisedonte vetëm për vetëm me mbretëreshën, deri të dielën që lamë pas. Ata u takuan dhe patën një bisedë të gjatë, që zgjati 4 orë, ku u thanë shumë gjëra.

“Mbretëresha kishte shumë për të folur me Harry-n dhe ishte koha ideale që ata të thoshin çfarë kishin për të thënë. Kur Harry dhe Meghan bënë të ditur vendimin e tyre, gjithçka ndodhi shumë shpejt dhe ishte një situatë stresuese për të gjithë. Të dielën e kaluar ishte hera e parë që mbretëresha pati mundësinë të fliste me Harry-n vetëm për vetëm dhe të mësonte planet e tij. Ishte një ambient i qetë dhe të dy patën mundësinë të flisnin sinqerisht”, -është shprehur një burim për The Sun.

Burimi ka shtuar gjithashtu se mbretëresha është shumë e mërzitur për largimin e Harry-t dhe Meghan-it dhe do të donte ta shihte Archie-n më shpesh, ashtu siç dëshiron edhe pjesa tjetër e familjes. Megjithatë, ajo e ka pranuar faktin që çifti e ka ndarë mendjen për të jetuar në Amerikën e Veriut.

Harry është shumë i dashur për mbretëreshën dhe gjatë takimit, ajo ia bëri të ditur se ai dhe Meghan-i janë gjithmonë të mirëpritur të rikthehen në pallat nëse ndryshojnë mendje, pasi ajo t’i mirëpresë krahëhapur.

Me sa duket, gjërat po rregullohen…