Në kuadër të 75-vjetorit të debutimit të markës në panairin e automobilave në Earls Court të Londrës, në vitin 1951, Porsche ka prezantuar një version të veçantë të 911 GT3 Touring.
Edicioni, i quajtur Earls Court 51 Edition, është ndërtuar nga Porsche Exclusive Manufaktur dhe do të prodhohet në vetëm 51 ekzemplarë, të destinuar për tregun britanik.
Të lidhura
None found
Çmimi fillestar i këtij modeli është rreth 335,095 dollarë.
911 GT3 Touring Earls Court 51 Edition ofron 502 kuaj fuqi dhe vjen i lyer në ngjyrën metalike Earls Court Green, e cila është frymëzuar nga Porsche 356 e prezantuar në Londër në vitin 1951.
Brendësia është konceptuar me një kombinim të lëkurës dhe materialeve kadifeje.
Përveç automjetit, blerësit do të marrin edhe një orë, një çantë udhëtimi prej lëkure dhe një model miniaturë të makinës.
Prodhimi i kufizuar në 51 njësi bashkon historinë 75-vjeçare të Porsche në Britani me karakterin sportiv dhe ekskluzivitetin e 911 GT3 Touring. /Telegrafi/
