Prodhuesi italian Lamborghini ka zbuluar zyrtarisht Temerario Spyder, variantin e ri të hapur të supermakinës së tij, i cili bashkon fuqinë ekstreme me një mekanizëm të avancuar të çatisë së palosshme.
Kjo shënon herën e parë që kompania italiane integron në një model kabriolet një çati të ngurtë me tërheqje elektrike, pa cenuar atributet sportive të versionit coupe.
Të lidhura
None found
Në dallim nga zgjidhjet konvencionale, çatia e Temerario Spyder paloset dhe pozicionohet vertikalisht pas sediljeve të pasme.
Mekanizmi i çatisë mund të aktivizohet edhe gjatë vozitjes, me shpejtësi deri në 50 km/h.
Për sa i përket motorizimit, Temerario Spyder mbështetet te një njësi 4.0-litërsh V8 me dy turbo, e shoqëruar nga tre motorë elektrikë, të cilët së bashku gjenerojnë një fuqi totale prej 907 kuajsh.
Përshpejtimi nga 0 në 100 km/h kryhet për vetëm 2.8 sekonda, ndërsa shpejtësia maksimale e kësaj supermakine arrin rreth 343 km/h.







