Modeli i parë plotësisht elektrik i Ferrarit, Ferrari Luce, është blerë për 40 milionë dollarë gjatë një ankandi të organizuar nga RM Sotheby’s në Monterey.
Të lidhura
None found
Automjeti, i identifikuar si “Chassis 0”, kishte një çmim fillestar të parashikuar pak mbi 1.1 milion dollarë. Megjithatë, përballja mes koleksionistëve e rriti ndjeshëm vlerën përfundimtare.
Makina ishte përgatitur në një konfigurim unik Tailor Made, ndërsa të ardhurat nga shitja do t’i dhurohen Fondacionit Ferrari për mbështetjen e projekteve arsimore.
Ferrari Luce është pajisur me katër motorë elektrikë, të cilët së bashku gjenerojnë 1,050 kuajfuqi. Shpejtësinë nga 0 në 100 km/h e arrin për vetëm 2.5 sekonda.
Me këtë rezultat, Luce u bë automjeti elektrik më i shtrenjtë i shitur ndonjëherë në ankand. Megjithatë, shuma e paguar nuk pasqyron çmimin e versioneve standarde të modelit.
Modelet e prodhimit pritet të dalin në treg me një kosto rreth 550 mijë euro.
Vlera e jashtëzakonshme e ankandit lidhet me faktin se automjeti ishte Luce i parë i prodhuar, si dhe me karakterin e veçantë bamirës të shitjes.
