BMW po hyn drejt një faze të re elektrifikimi, dhe në këtë kuadër modeli i ardhshëm BMW M4 mund të imagjinohet si një makinë sportive me performancë të skajshme, me potencial që të arrijë deri në 1000 kuaj/fuqi.
Të lidhura
None found
Ndonëse nuk kemi të bëjmë me një model zyrtar të zbuluar nga BMW, por me një koncept, dizajnerët kanë paraqitur një ide se si mund të dukej një variant plotësisht elektrik i modelit legjendar M4. Në këtë vizion, karakteri agresiv i divizionit BMW M bashkohet me teknologjinë e motorëve elektrikë.
Sipas koncepteve të publikuara, një BMW M4 elektrik mund të përdorte katër motorë elektrikë, me nga një për secilën rrotë. Kjo do të bënte të mundur menaxhimin individual të fuqisë dhe do të siguronte një përshpejtim tepër të shpejtë.
Në total, sistemi mund të prodhonte afërsisht 1000 kuaj/fuqi, duke e renditur këtë model në të njëjtën kategori me disa prej supermakinave më të fuqishme që gjenden në treg.
Sa i përket pamjes, koncepti mban të pandryshuara tiparet dalluese të modeleve M, si pjesa ballore agresive, linjat atletike të trupit, harqet e zgjeruara të rrotave dhe një profil më i ulët, me paraqitje më dinamike.
BMW nuk e ka konfirmuar ende një M4 plotësisht elektrik, megjithatë drejtues të divizionit M kanë sinjalizuar se kalimi te energjia elektrike mbetet një opsion, nëse teknologjia e re arrin të ofrojë performancë më të lartë se ajo e modeleve aktuale me motorë me djegie të brendshme.
Aktualisht, versionet BMW M4 janë të pajisura me motorë benzine me gjashtë cilindra dhe ofrojnë deri në rreth 530 kuaj fuqi. Krahasuar me to, një variant elektrik me 1000 kuaj/fuqi do të shënonte një hap të madh drejt së ardhmes së veturave sportive elektrike.
