Pronarët e automjeteve BMW reaguan pasi në ekranet qendrore të informacionit u shfaq një animacion promovues për filmin “Spider-Man: Brand New Day”.
Të lidhura
None found
Fushata u zhvillua nga 27 korriku deri më 10 gusht dhe u shfaq në më shumë se 70 vende.
Sipas BMW-së, bëhej fjalë për një animacion festiv të realizuar në kuadër të bashkëpunimit me Sony dhe Marvel, ndërsa kompania këmbënguli se ai nuk duhej konsideruar reklamë.
Megjithatë, një pjesë e madhe e pronarëve e kundërshtuan këtë qëndrim, duke e cilësuar promovimin e një filmi në ekranin e automjetit si të padëshiruar. Ata u shprehën gjithashtu se nuk ishin njoftuar apo pyetur paraprakisht për shfaqjen e tij.
Videoja aktivizohej nga përdoruesi përmes ekranit qendror dhe zgjaste rreth 19 sekonda. Në të, Spider-Man kalonte mbi një BMW, ndërsa ndriçimi ambiental i automjetit përshtatej me pamjet e animacionit.
Materiali u ofrua vetëm në automjetet BMW të pajisura me gjeneratat e reja të sistemeve të infotainment-it.
Kompania deklaroi se animacioni nuk ndikonte në sistemin e sinjalizimeve dhe se nuk shfaqej gjatë kohës që automjeti ishte në lëvizje.
