Arsenali ka zyrtarizuar transferimin e Bruno Guimaraes nga Newcastle United, në një marrëveshje me vlerë të raportuar prej 75 milionë funtesh, rreth 88 milionë euro.
Mesfushori brazilian ka firmosur kontratë katërvjeçare me klubin londinez, e cila përmban edhe opsionin e zgjatjes për një sezon të mëtejshëm. Marrëveshja u arrit pas negociatave të gjata mes Arsenalit dhe Newcastle United.
Të lidhura
None found
“Jemi të kënaqur të njoftojmë se lojtari brazilian Bruno Guimaraes është bashkuar me ne nga Newcastle United me një kontratë afatgjatë”, thuhet në komunikatën zyrtare të Arsenalit.
Trajneri Mikel Arteta e ka vlerësuar prej disa vitesh Guimaraes dhe tashmë ka arritur ta sjellë atë në skuadrën e Arsenalit.
Gjatë sezonit të kaluar, Guimaraes mbajti shiritin e kapitenit te Newcastle United. Ai zhvilloi 41 ndeshje në të gjitha garat, duke realizuar nëntë gola dhe duke regjistruar shtatë asistime.
