Zidane shpjegon përse Benzema nuk u përfshi në listën e Francës

Zinedine Zidane ka bërë publike listën e tij të parë si përzgjedhës i Kombëtares së Francës, ku ka përfshirë edhe disa futbollistë të rinj.

Pavarësisht pritshmërive të disa tifozëve për një rikthim të Karim Benzemas në përfaqësuese, nën drejtimin e ish-trajnerit të tij te Real Madridi, Zidane e ka bërë të qartë se kjo nuk do të ndodhë.

Kur u pyet për mungesën e sulmuesit veteran, trajneri francez iu përgjigj me humor, duke nënvizuar edhe lidhjen e veçantë që ka me të.

“Është mirë, sepse kjo i bën njerëzit të flasin për Karim, me të cilin kam kaluar shumë vite në Madrid (qesh). E dua”, ka deklaruar Zidane.

Ai shtoi se Benzema e ka përfaqësuar Francën dhe tashmë ndodhet në një fazë tjetër të karrierës, njësoj si N’Golo Kante. Sipas Zidane, fokusi tani duhet të jetë te lojtarët e rinj, por kjo nuk e ul aspak vlerën e kontributit të Benzemas për Kombëtaren e Francës dhe klubet ku ka luajtur.

Përzgjedhësi i ri francez ka theksuar se prioriteti i tij për ndeshjet e ardhshme është vëzhgimi dhe vlerësimi i talenteve të rinj, jo rikthimi i futbollistëve me përvojë.

Zidane gjithashtu nënvizoi se vendimi për të mos e grumbulluar Benzeman nuk prek aspak karrierën e jashtëzakonshme që sulmuesi ka ndërtuar me klubin dhe kombëtaren.