Edon Zhegrova po kalon një periudhë të shkëlqyer dhe synon ta ruajë këtë nivel edhe në ndeshjet e ardhshme.
Të lidhura
None found
Pas dy golave të shënuar ndaj Sassuolos së Aro Muric, futbollisti kosovar ka vijuar me paraqitje të mira, duke i treguar Luciano Spallettit se meriton një rol te Juventusi, i njohur edhe si “Zonja e Vjetër”.
Forma e tij është reflektuar edhe me fanellën e Kosovës. Zhegrova mori vlerësime mbi notën 7 në duelet kundër Irlandës, Austrisë dhe Izraelit, ndërsa në përballjen e së dielës mbrëma ndaj austriakëve u shpall lojtari i ndeshjes me notën 8.5.
Sipas SofaScore, në gjashtë ndeshjet e fundit ai është vlerësuar me një notë mesatare të përgjithshme prej 7.85.
Tashmë Zhegrova do të rikthehet në Itali dhe pritet të jetë menjëherë i gatshëm për fundjavën, kur Juventusi do të përballet me Cagliarin.
Trajneri Luciano Spalletti ka folur së fundmi me superlativa për të, duke deklaruar se “nëse Zhegrova përmirësohet edhe pak, do të jetë top lojtar”.
