Real Madrid thuhet se ka marrë vendimin përfundimtar se kush do të zëvendësojë trajnerin Carlo Ancelottin në verën e vitit 2025.
Sipas mediumit spanjoll Relevo, trajneri i Bayer Leverkusen, Xabi Alonso është favoriti kryesor ose i zgjedhur i drejtuesve.
Alonso njoftoi të premten se do të qëndrojë në Bayer Leverkusen sezonin e ardhshëm, duke përjashtuar veten nga stoli i Bayern Munich dhe Liverpool.
Bayerni dhe Liverpooli nuk kanë një trajner që do t’i drejtojë sezonin e ardhshëm pasi Thomas Tuchel dhe Jurgen Klopp largohen në fund të sezonit, ndërsa Reali nuk do të jenë në një kërkim të trajnerit deri kur Alonso të bëhet i disponueshëm në 2025.
Në dhjetor, Real Madridi zgjati kontratën e Ancelottit deri në verën e vitit 2025. Marrëveshja e mban atë në punë derisa Alonso të marrë drejtimin e Los Blancos.
Alonso ka udhëhequr Bayer Leverkusen drejt pozitës së parë në Bundesliga, teksa ka një seri prej 38 ndeshjesh pa humbje në të gjitha garat. /Telegrafi/
