Liverpooli ka njoftuar zyrtarisht se Jurgen Klopp, një nga trajnerët më të suksesshëm në historinë e klubit, do të largohet nga posti i trajnerit në fund të sezonit.
Kështu gjermani do të mbush pothuajse nëntë vite në stolin e klubit nga Anfield, gjatë të cilave fitoi gjithçka që fitohet në futboll.
Mediat angleze kanë parashikuar se kush duhet të jetë pasuesi i Jurgen Klopp te Liverpooli.
Sipas tyre shansin më të madh e ka Xabi Alonso, ish-lojtar i Liverpool-it dhe Real Madridit dhe sot trajner mjaft i suksesshëm i Bayer Leverkusenit.
Pas tij kandidat serioz është Roberto de Zerbi, trajneri aktual i Brighton, i cili gjithashtu ka treguar futboll të bukur me klubin anglez, duke shkruar histori sezonin e shkuar.
Asistenti aktual Pep Lijnders, po ashtu është në listë i treti, ndërsa vendet tjera plotësohen nga Francesco Farioli i Nice, Julian Nagelsmann i Gjermanisë dhe legjenda e klubit, Steven Gerrard.
Kandidatët për të marr drejtimin e Liverpoolit
Xabi Alonso
Roberto de Zerbi
Pep Lijnders
Francesco Farioli
Julian Nagelsmann
Steven Gerrard
/Telegrafi/
