Skuadra shkodrane Vllaznia ka konfirmuar blerjen e sulmuesit venezuelian Daniel Perez, i cili ka nënshkruar një marrëveshje dyvjeçare me klubin. Futbollisti 24-vjeçar mbërrin në kampionatin shqiptar me misionin për të rritur fuqinë goditëse të ekipit në sezonin e ardhshëm.
Perez zotëron një sfond të pasur në kontinentin e vjetër, duke luajtur më parë për ekipe si Club Brugge, Oostende, Lokeren dhe Nea Salamis. Përveç karrierës me klubet, ai ka veshur edhe fanellat e kombëtareve të grupmoshave të Venezuelës, çka i ka dhënë mundësinë të fitojë përvojë në rang ndërkombëtar.
Të lidhura
None found
Në kampin kuqe blu shpresojnë që instinkti i tij para portës të jetë çelësi për të arritur objektivat e sezonit të ri dhe për të synuar titullin kampion, i cili i mungon Shkodrës prej fushatës 2000/2001.
