Vllaznia ka zyrtarizuar ndërprerjen e bashkëpunimit me Edi Martinin, i cili nuk do të vijojë të drejtojë skuadrën shkodrane.
Të lidhura
None found
Përmes një njoftimi, klubi falënderoi trajnerin për punën, përkushtimin dhe kontributin e dhënë gjatë kohës që ishte në krye të ekipit.
Edhe pse në fund të sezonit të kaluar Martinit iu komunikua rinovimi i kontratës për një tjetër vit, rezultatet e dobëta në nisje të këtij sezoni sollën ndryshimin. Vllaznia ka grumbulluar vetëm 2 pikë në 6 javët e para të Superiores, çka çoi në mbylljen e marrëdhënies mes palëve.
Pasuesi i pritshëm është Csaba Laszlo, trajneri rumuno-hungarez që pritet të prezantohet zyrtarisht në krye të Vllaznisë gjatë këtij fundjave.
